Erondagi noroziliklar natijasida kamida 5 ming kishi halok bo‘lgan, shulardan taxminan 500 nafari xavfsizlik xodimlari hisoblanadi. Bu haqda Reuters agentligi ma’lum qildi.
Noroziliklar 28-dekabrda iqtisodiy qiyinchiliklar sabab boshlangan va ikki hafta ichida keng ko‘lamli namoyishlarga aylangan. Bu Eron Islom inqilobidan beri eng yirik tartibsizliklar sifatida baholanmoqda.
Eron Oliy Rahbari Oyatulloh Ali Xomanaiy mamlakat urushga tortilmasligini, biroq jinoyatchilar jazolanmasdan qolmasligini aytdi. Sud tizimi vakillari esa ayrim holatlarda ijro etishlar davom etishi mumkinligini bildirgan.
AQShdagi HRANA huquqiy tashkiloti halok bo‘lganlar sonini 3 308 nafar, hibsga olinganlar sonini esa 24 mingdan ortiq deb ma’lumot bergan.
Eng og‘ir to‘qnashuvlar shimoli-g‘arbiy, asosan kurd aholisi yashaydigan hududlarda qayd etilgan. Noroziliklar bostirilgan, biroq internet uzilishlari axborot olishni qiyinlashtirmoqda.
Eslatib o‘tamiz, avvalroq Rizo Pahlaviy o‘tish davri hukumatiga rahbarlik qilishga tayyorligini bildirgan edi.
