Honor kompaniyasi rasman Magic 8 RSR Porsche Design modelini e’lon qildi. Bu haqda ITHome nashri ma’lum qildi.
Qurilmaning orqa tomoni noyob mikrokristalli nanokeramikadan tayyorlangan bo‘lib, Mohs shkalasi bo‘yicha 8,5 daraja qattiqlikka ega. Kamera bloki Porsche avtomobillarining matritsali faralarini eslatuvchi dizaynga ega. Korpus esa IP69K standarti bo‘yicha himoyalangan.
Smartfon 200 megapikselli, 1/1,4 dyuymli periskop kamera moduli bilan jihozlangan bo‘lib, 3,7 karra optik zum imkonini beradi. Qolgan sensorlar 50 MP bo‘lib, optik stabilizatsiya CIPA 6.5 sertifikatiga ega, bu esa qo‘lda 3 soniyagacha uzoqlikdagi suratga olish imkonini beradi.
Qurilma Qualcomm Snapdragon 8 Elite Gen 5 chipi asosida ishlaydi va tezkor xotirasi 24 GB gacha yetadi. Batareya sig‘imi 7200 mA·soat bo‘lib, 120 Vt quvvatli simli tezkor quvvatlashni qo‘llab-quvvatlaydi. Shuningdek, smartfon ikki tomonlama sun’iy yo‘ldosh aloqasi va ultratovushli barmoq izi skaneriga ega. Narxlari 16/512 GB modeli $1150, 24 GB/1 TB modeli esa $1290 ni tashkil qiladi.
Eslatib o‘tamiz, avvalroq Honor Magic 8 Air smartfoni qanday xususiyatlarga egaligi haqida yozgan edik.
