Eng qimmat brendlar reytingi e’lon qilindi
Brand Finance kompaniyasi 2026-yil bo‘yicha eng qimmat brendlarni o‘z ichiga olgan yillik Global 500 reytingini e’lon qildi. Reytingdagi brendlarning umumiy qiymati makroiqtisodiy noaniqlik saqlanib qolganiga qaramay, 11 foizga oshib, $10,4 trlnga yetdi.
Reyting yetakchisi Apple bo‘lib, brend 6 foizga qimmatlashib, $607,6 mlrd qiymatga ega bo‘ldi. Ikkinchi o‘rinni Microsoft (+23 foiz), uchinchi o‘rinni esa Google kompaniyalari (+5 foiz) egalladi.
NVIDIA esa sezilarli o‘sish qayd etdi va beshinchi o‘ringa ko‘tarildi, brend qiymati sun’iy intellekt infratuzilmasiga sarmoya kiritish bo‘yicha o‘sish fonida 110 foizga oshdi.
Eng tez o‘sgan brend esa moliyaviy texnologiyalar kompaniyasi Revolut bo‘ldi. Brend 239 foizga qimmatlashib, birinchi marta Global 500 reytingidan joy oldi.
Brend kuchi segmentida birinchi o‘rinni YouTube egalladi va eng yuqori AAA+ reytingini oldi. Tahlilchilar qayd etishicha, ushbu platforma brendni tanib bilishni muntazam foydalanish va auditoriyani ushlab turishga eng samarali aylantiradi.
Sektoral bo‘yicha reytingni texnologiyalar va bank sektori yetakchilik qilmoqda. Eng yuqori o‘sish sur’ati dasturiy ta’minot, yarim o‘tkazgichlar va sun’iy intellekt bilan bog‘liq brendlarda kuzatildi.
Mintaqaviy tahlilda esa AQSh ustunligini saqlab qolmoqda. Qo‘shma shtatlar kompaniyalari Global 500 reytingining umumiy qiymatining yarmidan ko‘pini tashkil qiladi.
Eslatib o‘tamiz, avvalroq o‘ta boy kishilar soni haqida batafsil yozgan edik.
