Hyundai Motor 2025-yilda jahon bo‘ylab amalga oshirilgan chakana savdolar natijalarini e’lon qildi. Unga ko‘ra, korporatsiya o‘tgan yilda 4,1 mln avtomobil sotdi, bu 2024-yildagiga nisbatan 2 foizga ko‘p.
Hyundai’ning elektrlashtirilgan transport vositalari savdosi jahon bo‘yicha 1 mln donaga yaqinlashdi. Bunda gibrid avtomobillar (HEV) 611,8 ming dona sotildi, bu o‘tgan yilga nisbatan 32 foizga oshgan. Elektr avtomobillari (EV) savdosi esa 2,2 ming dona bo‘lib, 17 foizga o‘sdi. Shuningdek, qo‘shma gibrid avtomobillar (PHEV) savdosi 44,1 ming dona (21% o‘sish), va yonilg‘i hujayrali elektr avtomobillari (FCEV) savdosi 7 ming dona bo‘lib, 58 foizga oshgan.
«2025-yilda butun dunyo bo‘ylab jamoalarimiz ajoyib chidamlilikni namoyish etdi. Bozordagi sezilarli o‘zgaruvchanlik, tartibga solish noaniqligi va kuchli raqobatga qaramay, biz global chakana savdo hajmini ikki foizga oshira oldik», – deydi Hyundai Motor Company bosh direktori Xose Munos.
Kompaniya 2030-yilga qadar jahon bo‘yicha 5,55 million avtomobil sotishni rejalashtirmoqda. 2025-yilga nisbatan bu 46% o‘sishni anglatadi. Shuningdek, gibrid avtomobillarni kengaytirish rejasi doirasida 18 dan ortiq yangi modellar taqdim etiladi. 2026-yilda Genesis gibrid modellari chiqariladi, 2027-yilda esa kengaytirilgan masofaga ega bo‘lgan elektr avtomobillari (EREV) taqdim etiladi.
Eslatib o‘tamiz, avvalroq Hyundai kompaniyasi Staria minivenining to‘liq elektr versiyasini taqdim etgandi. Avtomobil uzunligi 5 255 mm ni tashkil etadi. Bu ko‘rsatkich uni Hyundai’ning barcha batareyali modellari orasida rekordchiga aylantirdi.
