22-yanvar kuni Chevrolet Onix Track Day modeli Braziliyada rasmiy ravishda taqdim etildi. Bu haqda GMAutority xabar bermoqda. Taqdimot General Motorsning Braziliyadagi 100 yillik tarixini nishonlashning bir qismi sifatida amalga oshirildi.
Chevrolet Onix Track Day GM Braziliyaning eng mashhur modeliga asoslangan bo‘lib, faqatgina trassada ishlatish uchun mo‘ljallangan maxsus prototip sifatida ishlab chiqilgan. Modelning o‘ziga xos dizayni, turbozaryadlangan 1.2L dvigateli va trassada ishlash uchun optimallashtirilgan mexanik sozlamalari bilan ajralib turadi.
Onix Track Day, o‘zining ajoyib dinamikasi va aerodinamik samaradorligi bilan yuqori darajadagi avtomobillarni haydashda taqdim etiladigan sezgilarni taqdim etadi.
Yangi Chevrolet Onix Track Day, braziliyalik ishlab chiqaruvchilar tomonidan ishlab chiqilgan va faqatgina trassada foydalanish uchun mo‘ljallangan model bo‘lib, Chevrolet Onix’ning avvalgi avlodiga o‘xshash dizaynga ega. Biroq bu modelda 100 mm pastga tushirilgan suspensiya, maxsus rangdagi qora va sariq vinil chiziqlar, eksklyuziv g‘ildiraklar va orqa spoiler kabi o‘ziga xos elementlar mavjud.
Taqdimot davomida Onix Track Day’ning asosiy xususiyatlaridan biri uning tezligini ta’kidlashdi. Bu prototip 0 dan 100 km/soatgacha bo‘lgan tezlikni 8 soniya ichida oshira oladi. Yangi model, General Motorsning tarixiy kolleksiyasiga qo‘shiladi.
Eslatib o‘tamiz, Kursiv Uzbekistan yangilan Tracker modeli sinovdan o‘tkazilgani haqida yozgan edi.
