27-yanvar kuni FIFA World Cup Trophy Tour doirasida futbol bo‘yicha Jahon chempionati kubogi O‘zbekistonga yetib keldi. Sovrinni italiyalik sobiq jahon chempioni Marko Materatssi olib keldi.
Toshkentda bo‘lib o‘tgan tadbirda O‘zbekiston futbol assotsiatsiyasi (O‘FA) birinchi vitse-prezidenti Ravshan Irmatov, Milliy Olimpiya qo‘mitasi raisining birinchi o‘rinbosari Otabek Umarov hamda qo‘mita bosh kotibi Oybek Kasimov ishtirok etdi.
Mazkur tashrif FIFA Jahon chempionati kubogining rasmiy sayohati doirasida amalga oshirilmoqda. 2026-yil 3-yanvar kuni Saudiya Arabistonining Ar-Riyod shahridan start olgan tur jami 75 ta manzilni qamrab olishi rejalashtirilgan.
Toshkentga kelishdan avval kubok Vena, Seul, Tokio, Nyachang va Kuala-Lumpur kabi Yevropa va Osiyoning qator shaharlarida namoyish etilgan.
Avvaalroq Kursiv Uzbekistan «JCH – 2026» chiptalariga talab rekord darajaga yetgani haqida xabar bergan edi.
