iQOO kompaniyasi o‘zining eng qudratli flagman smartfoni — iQOO 15 Ultra modelini rasman taqdim etdi. Bu haqda ITHome nashri ma’lum qildi.
Texnik xususiyatlar
Smartfon Snapdragon 8 Elite Gen 5 platformasida ishlaydi va Q3 nomli maxsus o‘yin chipi bilan jihozlangan. Qurilmani sovitish uchun ventilyatorli faol sovitish tizimi qo‘llanilgan. Eng yuqori konfiguratsiyada 24 GB tezkor xotira va 1 TB ichki xotira mavjud.
Displey
iQOO 15 Ultra 6,85 dyuymli tekis Samsung M14 ekraniga ega bo‘lib, 2K aniqlik va 144 Gts yangilanish tezligini taqdim etadi. Ekranning maksimal yorqinligi 8000 nitni tashkil etadi.
Batareya va quvvatlash
Smartfon 7400 mA/soat sig‘imli akkumulyator bilan jihozlangan. Qurilma 100 vattli simli va 40 vattli simsiz quvvatlashni qo‘llab-quvvatlaydi. To‘plamga o‘yinda telefonni gorizontal ushlashga xalaqit bermaydigan L-shaklli kabel kiritilgan.
Kamera
Qurilmada uchta 50 megapikselli sensorli kamera o‘rnatilgan. Ulardan biri 3 karra optik zum bilan suratga olish imkonini beradi.
Himoya va xavfsizlik
iQOO 15 Ultra IP69 darajasidagi chang va suvdan himoyaga ega hamda ultratovushli barmoq izi skaneri bilan jihozlangan.
Narxlar
16/256 GB — $790,
16/512 GB — $865,
16 GB/1 TB — $1000,
24 GB/1 TB — $1110.
Eslatib o‘tamiz, iQOO 15R rasman fevral oyida taqdim etilishi kutilayotgan edi.
