Xiaomi kompaniyasi global bozor uchun yangi flagman smartfonlarini – Xiaomi 17 va Xiaomi 17 Ultra’ni taqdim etishga tayyorlanmoqda. Bu haqda GSM Arena xabar berdi.
Ranglari
Xiaomi Xiaomi 17 va Xiaomi 17 Ultra smartfonlari yangi rang variantlarini e’lon qildi. Global bozor uchun Xiaomi 17 bazaviy modeli ko‘k, qora va yangi yashil ranglarda, Xiaomi 17 Ultra esa yashil, oq va qora ranglarda taqdim etiladi. Leica Edition maxsus versiyasi esa qora va oq ranglarda chiqariladi.
Texnik xususiyatlari
Xiaomi 17 bazaviy modeli global bozor uchun 256 GB va 512 GB xotira variantlarida mavjud. Xiaomi 17 Ultra esa 512 GB xotira bilan taqdim etiladi. Global Xiaomi 17 Ultra modeli Xitoy versiyasidan farqli o‘laroq, batareyasi 6000 mAh hajmga ega bo‘ladi, Xitoy versiyasida esa 6800 mAh.
Narxlari
| Model | Xotira hajmi | Narxi |
|---|---|---|
| Xiaomi 17 | 256 GB | 1000 yevro |
| Xiaomi 17 | 512 GB | 1100 yevro |
| Xiaomi 17 Ultra | 512 GB | 1500 yevro |
Taqdimot sanasi
Ishonchli insayderlarga ko‘ra, Xiaomi 17 seriyasining global taqdimoti 2026-yil 2 – 5-mart kunlari MWC 2026 ko‘rgazmasi doirasida rejalashtirilgan.
Eslatib o‘tamiz, avvalroq Xiaomi 17 seriyasi uchun yangi dasturiy ta’minot yangilanishi taqdim etilgan edi.
