X Money xizmati, Epshteynning arab do’sti hamda «Malika»da soliqchilar— 14-fevral kungi yangiliklar dayjesti

Epshteyn bilan suratlari tarqalgan arab milliarderi iste’foga chiqdi

DP World kompaniyasi rahbari Sulton Ahmad bin Sulayim iste’foga chiqdi. Qaror Jeffri Epshteyn bilan bog‘liq hujjatlar e’lon qilinishi fonida yuz berdi, deya yozmoqda Reuters.

Ilon Mask X platformasida X Money moliyaviy xizmatini taqdim etdi

Ilon Mask X platformasida yangi moliyaviy xizmat – X Money’ni ishga tushirdi. Mazkur xizmat X foydalanuvchilarga ijtimoiy tarmoq ichida moliyaviy operatsiyalarni amalga oshirish imkonini beradi.

Rossiyada Telegram qariyb 140 ming dollar jarimaga tortildi

Moskvadagi Tagan tuman sudi Rossiyada taqiqlangan kontentlarni o‘chirish talablarini e’tiborsiz qoldirgani uchun Telegram’ga 10,8 mln rubl ($140 ming atrofida) jarima tayinladi.

Rossiyaliklar uchun O‘zbekistonga sayohat narxi 2 foizga arzonlashdi

2026-yilning yanvar oyida Rossiya fuqarolari uchun O‘zbekistonga turistik sayohat narxlari 2 foizga arzonlashdi. Bu haqda Rosstat ma’lumotlariga tayanib, TASS xabar berdi.

OpenAI haddan tashqari iltifotga moyil GPT-4o modelini «pensiyaga chiqardi»

OpenAI beshta eski ChatGPT modeliga, jumladan, foydalanuvchilarga hadda tashqari iltifot ko‘rsatuvchi GPT-4o modeliga kirishni to‘xtatadi. Bu haqda Tech Crunch nashri ma’lum qildi.

AQShda avtomobillardagi «start-stop» tizimi bekor qilinmoqda

AQSh Atrof-muhitni muhofaza qilish agentligi avtomobillardagi «start-stop» tizimini bekor qilish to‘g‘risidagi qarorni imzoladi. Bu haqda Motor1 nashri ma’lum qildi.

Prezident tanqid qilgan «Malika» bozorida soliq tekshiruvi o‘tkazildi

To‘lov intizomi buzilgani sababli prezident tanqidiga uchragan «Malika» savdo majmuasida soliq tekshiruvi o‘tkazildi. Bu haqda Soliq qo‘mitasi xabar berdi.

JAC RF8 miniveni va T9 pikapini ekstremal sovuqda sinovdan o‘tkazdi

Xitoyning JAC brendi Yakutiyada RF8 miniveni va T9 pikapini qishgi sharoitlarda sinovdan o‘tkazdi. Sinovlar mashinalarning moslashuvchanligini tekshirish maqsadida -43 °C gacha bo‘lgan haroratda o‘tkazildi.