Infinix yangi modeli GT 50 Pro smartfonini taqdim etishga tayyorlanmoqda. Bu haqda GSMArena ma’lum qildi.
Dizayn
Infinix GT 50 Pro asosan o‘yinlarga yo‘naltirilgan dizaynga ega bo‘ladi. Orqa panelda karbon tolali to‘qilgan naqsh va pastki qismida LED chiroqlar mavjud. Qurilmaning ko‘rinishi zamonaviy va sport uslubida yaratilgan.
Ekran va ishlash tezligi
Qurilma 6,78 dyuymli AMOLED ekran bilan jihozlangan bo‘lib, 1,5K o‘lchamli tasvir va 144Hz yangilanish tezligiga ega. Bu o‘yin va video tajribasini yanada silliq qiladi. Narxi $600 dan yuqori bo‘lishi kutilmoqda.
Protsessor va xotira
GT 50 Pro MediaTek Dimensity 8400 Ultimate protsessori bilan ishlaydi. U 12GB RAM va 256GB yoki 512GB ichki saqlash imkoniyatlari bilan ta’minlangan.
Kameralar
Telefon orqa tomonda 50MP asosiy sensor (OIS bilan) va 8MP ultrakeng burchakli kameradan iborat ikki kamerali tizimga ega. Old tomonda esa 13MP selfi kamerasi mavjud.
Batareya va quvvat olishi
Qurilma 6,500mAh bitta hujayrali yoki 6,150mAh ikki hujayrali batareyaga ega bo‘ladi. U 45W simli va 30W simsiz quvvat olishni, shuningdek, 10W simli va 5W simsiz teskari quvvat berishni qo‘llab-quvvatlaydi.
Eslatib o‘tamiz, avvalroq iPhone 17 Pro Max’ni eslatuvchi Infinix 60 Pro smartfoni taqdim etilgan edi.
