AQShda Motorola kompaniyasining eng premium bukiluvchi smartfonlari — Motorola Razr 2025 va Motorola Razr Ultra 2025 uchun Android 16’ning barqaror (stable) versiyasi rasman taqdim etildi. Bu haqda Gizmochina nashri xabar berdi.
Yangilanish United States hududida, T-Mobile va Verizon operatorlari orqali tarqatilmoqda. Qizig‘i shundaki, bu jarayon Google Android 17’ning ilk beta-versiyasini chiqargan paytga to‘g‘ri keldi.
Yangilanish tafsilotlari
Har ikki model taxminan olti oy davomida Android 16 beta-sinov dasturida qatnashgan edi. Endilikda foydalanuvchilar to‘liq barqaror tizimga ega bo‘lishmoqda.
- Razr 2025 uchun proshivka versiyasi: W1UC36H.96-35-1
- Razr Ultra 2025 uchun proshivka versiyasi: W1VL36H.59-55-5
- Yangilanish hajmi: taxminan 4 GB
Bu yangilanish har ikkala model uchun birinchi yirik operatsion tizim apdeyti hisoblanadi.
Katta hajmdagi yangilanishni yuklab olishda Wi-Fi tarmog‘idan foydalanish tavsiya etiladi. Shuningdek, qurilma batareyasi kamida 40 foiz zaryadlangan bo‘lishi kerak.
Avvalroq Kursiv Uzbekistan Motorola FIFA World Cup 26 Edition smartfonini taqdim etgani haqida yozgandi.
