Xitoyda Nissan kompaniyasi yangi avlod Nissan Sylphy sedanini rasman namoyish qildi. Bu haqda «Avto revyu» nashri ma’lum qildi. Model ilk bor 2019-yilda taqdim etilgan edi.
Yangi versiya tashqi ko‘rinishida sezilarli o‘zgarishlar bor. Old optika mahalliy N6 va N7 modellari uslubida qayta ishlangan. Radiator panjarasi va bamperlar yangilangan. Orqa fonarlarda esa uzluksiz yorug‘lik chizig‘i paydo bo‘lgan.
Sport talqinida old qism qora bezakda taklif etiladi. Kuzov uchun besh xil rang mavjud. O‘lchamlar ham biroz o‘zgargan. Uzunligi 4656 mm ga yetdi. Bu avvalgisidan 4 mm uzun. Kengligi 1825 mm bo‘lib, 10 mm ga oshgan. Balandligi esa 1448 mm, ya’ni 2 mm ga pasaygan. G‘ildirak bazasi o‘zgarmagan va 2712 mm ni tashkil etadi.
Salon butunlay qayta ishlangan. Old panel yangilangan. Ikki spisali rul o‘rnatilgan. 12,3 dyuymli ikkita ekran taklif etiladi. Iqlim boshqaruvi sensor panel orqali amalga oshiriladi.
Yuqori komplektatsiyada 50 Vt simsiz zaryadlash mavjud. Old o‘rindiqlar isitiladi va ventilyatsiya qilinadi. Adaptiv kruiz-nazorat va haydovchiga yordam beruvchi tizimlar ham bor.
Texnik qism o‘zgarmagan. Avtomobil 1,6 litrli atmosfera dvigatel bilan jihozlangan. Quvvati 136 ot kuchi. Moment 159 Nm. U variator bilan ishlaydi. Tortish faqat old g‘ildirakka uzatiladi.
Oldingi avlodda e-Power gibrid tizimi ham mavjud edi. Unda 1,2 litrli dvigatel generator vazifasini bajaradi. Elektr motor 136 ot kuchi ishlab chiqaradi.
Xitoyda bir vaqtning o‘zida uch avlod ishlab chiqariladi. Yangi, o‘n beshinchi avlod narxi 105 mingdan 120 ming yuan atrofida. Bu taxminan $15–17,5 mingga teng.
Eslatib o‘tamiz, Kursiv Uzbekistan nashri Nissan yangi Sylphy avlodini taqdim etishi haqida yozgan edi.
