2026-yil fevral oyining oxirida Isroil va AQSh tomonidan Eronga zarba berildi. Shundan so‘ng Tehron javob harbiy harakatlarini boshladi. Yaqin Sharqda yuzaga kelgan navbatdagi keskinlik mintaqa davlatlari, jumladan, O‘zbekistonga qanday ta’sir qiladi.
Mazkur savolga aniqlik kiritish maqsadida Kursiv Uzbekistan Rossiya Fanlar akademiyasining Jahon iqtisodiyoti va xalqaro munosabatlar milliy tadqiqot instituti Markaziy Osiyo sektori rahbari, tarix fanlari nomzodi Stanislav Pritchindan izoh oldi.
Ekspertning so‘zlariga ko‘ra, mintaqadagi harbiy harakatlar O‘zbekistonga bevosita daxl qilmaydi, chunki tomonlarning hech biri Toshkent uchun yirik savdo va investitsiyaviy hamkor hisoblanmaydi.
Uzoq muddatli istiqbolda Yaqin Sharqdagi mojaro, shuningdek, Afg‘oniston va Pokiston o‘rtasidagi jangovar harakatlar O‘zbekiston tomonidan tashabbus qilingan strategik loyihalarga zarba beradi. Ular qatorida – Transafg‘on temir yo‘li va Shimol-Janub transport yo‘lagi bor.
«Ular bo‘yicha uzoq muddatli istiqbolda, katta ehtimol bilan loyihalarga asos solish paytida belgilangan maqsadli ko‘rsatkichlarni amalga oshirish va ularga erishishning imkoni bo‘lmaydi», – deb ta’kidladi Pritchin.
Bunday holatda Toshkent uchun tovarlarni yetkazib berishning asosiy marshrutlari bo‘lib shimoliy yo‘nalish – Rossiya va sharqiy yo‘nalish – Xitoy orqali tranzit, shuningdek, uzoqroq va kamroq rivojlangan marshrut hisoblangan O‘rta yo‘lak qolmoqda.
Avvalroq Kursiv Uzbekistan Eron oliy rahnamosi o‘limi rasman tasdiqlangani haqida xabar bergan edi.
