Banklarda avtokreditlar bo‘yicha foiz stavkalari pasaydi

2-mart holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 22,5 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,3 foizni, yuridik shaxslar ulushi esa 22,4 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

• «Ipoteka bank» – 16,9%;
• «Apex bank» – 18,5%;
• «Davr bank» – 20,1%;
• «Garant bank» – 20,6%;
• «Asia Alliance bank» – 21,2%.

Eng yuqori avtokredit stavkasi:

• «Madad Invest bank» – 27,9%;
• «Mikrokreditbank» – 27,7%;
• «Asakabank» – 26,8%;
• «Trast bank» – 26,1%;
• «Agrobank» – 25,1%.

Markaziy bank izohiga ko‘ra, avtomobil ishlab chiqaruvchilar yoki dilerlar bilan hamkorlik asosida beriladigan kreditlarda foiz stavkalari pastroq bo‘lishi mumkin. Shuningdek, avtokreditlar bo‘yicha stavkalar avtomobil turi, yoshi, boshlang‘ich badal miqdori va boshqa shartlarga qarab farq qiladi.

Mikroqarzlar

Mikroqarzlar bo‘yicha o‘rtacha foiz stavkasi esa 29,6 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,3 foizni, yuridik shaxslar ulushi esa 22,4 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

• «Tenge bank» – 42,7%;
• «Anorbank» – 41,9%;
• «TBC bank» – 40,5%;
• «AVO bank» – 39,9%;
• «Ipoteka bank» – 36,1%.

Eng past mikroqarz foiz stavkalari quyidagi banklarda:

• «Aloqabank» – 22,4%;
• «Infinbank» – 24,3%;
• «Trast bank» – 24,7%;
• «BRB» – 25,2%;
• «Milliy bank» – 25,3%.

Eslatib o‘tamiz, avvalroq banklarda 16 foizgacha avtokredit berilishi elektromobillarni ommalashishiga qanchalik yordam berishi haqida ekspertlar fikri o‘rganilgandi.