1-mart kuni Sergeli avtomobil bozorida «inomarkalar» qatori ko‘zdan kechirildi. Ma’lum bo‘lishicha, bozorda bir qancha modellar hamyonbop narxlarda taklif qilinmoqda.
Sergeli bozorida narxlar juda keng diapazonda. Eng arzon inomarkalar $2,2 – 3 ming atrofidan boshlanadi. O‘rtacha segment $12 – 17 mingda. Premium va yirik yo‘ltanlamaslar esa $60 mingdan yuqori narxlarda taklif qilinmoqda. Quyida ulardan ba’zilari haqida ma’lumot beriladi.
| Model | Yili | Probeg | Qo‘shimcha ma’lumot | Narxi |
|---|---|---|---|---|
| Toyota Camry | 1998 | — | Kelishuvda $2,2 ming, benzin qo‘shib beriladi | $3 ming |
| Toyota Avalon | 2008 | — | Propan o‘rnatilgan | $12 ming |
| Hyundai Tucson | — | 350 ming km | Avtomat, metan balonlari bor | $5,8 ming (kelishuvda $4,5 ming) |
| Jetour (X70) | 2023 | 42 ming km | Naqd pulda kelishuv bor | $17 ming |
| Nissan Patrol | 2019 | 33 ming km | «Bron plonka», tekshirtirish mumkin | $63 ming |
| BMW X6 | 2009 | — | — | $20 ming |
| BMW X5 | 2006 | 325 ming km | 3.0 M52 motor, propan bor | $12 ming |
| Zeekr 007 | 2024 | — | 3,5 sekundda 100 km/soat | $36,5 ming |
| Mercedes 203 | 2006 | 122 ming mil | — | $14 ming |
| BYD gibrid | 2024 | 44 ming 300 km | — | $25,9 ming |
| BYD | 2023 | 95 ming km | Naqdda kelishuv bor | $23 ming |
Eslatib o‘tamiz, avvalroq Kia Soluto Chevrolet Cobalt o‘rnini bosa olishi mumkinligi haqidagi taxmin o‘rganilgandi. Chevrolet Cobalt kuchliroq dvigatel va 6 pog‘onali avtomat bilan taklif etiladi. U taksi bozorida mustahkam obro‘ga ega. Kia Soluto esa zamonaviyroq salon va Kia brendi bilan ajralib turadi. Ikkilamchi bozorda ham Kia odatda narxni yaxshiroq ushlab turadi.
