Yil boshidan buyon dunyoning eng ko‘p tashrif buyurilgan 20 ta sayti e’lon qilindi
2026-yil boshidan beri global internet-trafik asosan bir nechta yirik platformalar qo‘lida jamlandi. Yetakchi o‘rinlardan birini ChatGPT egalladi. Bu haqda Exploding Topics saytida reyting e’lon qilindi.
| # | Sayt | Tashriflar | Sahifa/visit | Vaqt/visit |
|---|---|---|---|---|
| 1 | 94.8 mlrd | 5.61 | 22m 07s | |
| 2 | YouTube | 49.7 mlrd | 9.35 | 38m 17s |
| 3 | 9.5 mlrd | 7.94 | 23m 23s | |
| 4 | 6.1 mlrd | 8.99 | 18m 33s | |
| 5 | ChatGPT | 5.5 mlrd | 4.00 | 18m 13s |
| 6 | 5.1 mlrd | 3.56 | 19m 17s | |
| 7 | Wikipedia | 4.3 mlrd | 3.35 | 14m 54s |
| 8 | Pornhub | 3.8 mlrd | 7.36 | 16m 53s |
| 9 | X | 3.8 mlrd | 9.51 | 23m 03s |
| 10 | 2.7 mlrd | 5.12 | 38m 21s | |
| 11 | XVideos | 2.5 mlrd | 8.66 | 20m 01s |
| 12 | Amazon | 2.5 mlrd | 6.68 | 16m 16s |
| 13 | Yahoo | 2.3 mlrd | 4.32 | 17m 30s |
| 14 | TikTok | 2.2 mlrd | 9.15 | 17m 32s |
| 15 | Bing | 1.9 mlrd | 5.01 | 14m 53s |
| 16 | Yahoo Japan | 1.8 mlrd | 5.76 | 19m 31s |
| 17 | DuckDuckGo | 1.8 mlrd | 2.53 | 17m 13s |
| 18 | Temu | 1.6 mlrd | 3.04 | 14m 36s |
| 19 | The Weather Channel | 1.6 mlrd | 1.53 | 6m 18s |
| 20 | Netflix | 1.5 mlrd | 4.27 | 17m 48s |
Google va YouTube internet e’tiborining katta qismini hanuz o‘zida jamlab kelmoqda. Qidiruv tizimlari va videoplatformalar onlayn faollikning asosiy tayanchi bo‘lib qolmoqda. Ma’lumotlarga ko‘ra, birgina Google keyingi beshta sayt jami trafikidan ham ko‘proq tashrif qabul qiladi.
Shu bilan birga, reyting tarkibi asta-sekin o‘zgarib bormoqda. ChatGPT eng ko‘p tashrif buyuriladigan saytlar qatoriga kirib, sun’iy intellekt vositalari qisqa vaqt ichida texnologik yangilikdan kundalik ish quroliga aylanganini namoyish etdi. 2026-yil yanvar holatiga ko‘ra, platforma 5,5 milliard tashrif bilan dunyoda beshinchi o‘rinni egallagan. U Reddit (5,1 mlrd), Wikipedia (4,3 mlrd) va X (3,8 mlrd)ni ortda qoldirgan.
ChatGPT ilk bor ishga tushirilganidan atigi bir yil o‘tib, 2024-yil boshida top-15 talikka kirgan edi. Uning tez sur’atdagi o‘sishi sun’iy intellekt yozuv, tadqiqot, dasturlash va g‘oya ishlab chiqish kabi sohalarga chuqur kirib borganini ko‘rsatadi.
Ijtimoiy tarmoqlar ham yetakchi o‘rinni saqlab qolmoqda. Facebook (9,5 mlrd) va Instagram (6,1 mlrd) eng yuqori o‘rinlarda turibdi. TikTok esa 2,2 milliard tashrif bilan global auditoriyasini saqlab qolgan.
Elektron tijorat platformalari ham reytingdan joy olgan. Amazon (2,5 mlrd) va Temu (1,6 mlrd) onlayn savdoning keng ko‘lamini aks ettiradi.
Shuningdek, Netflix (1,5 mlrd) va The Weather Channel (1,6 mlrd) kabi platformalar ko‘ngilochar va tezkor axborotga bo‘lgan yuqori talabni tasdiqlaydi.
Avvalroq Kursiv Uzbekistan Amazon sun’iy intellekt sabab 14 ming nafar xodimini qisqartirgani haqida yozgandi.
