Rossiyada 33 mingdan ortiq Kia Rio avtomobili chaqirib olinadi. Bu haqda tarantas news nashri xabar bermoqda.
Ma’lumotlarga ko‘ra, chaqirib olish kampaniyasi 33,03 mingta Kia Rio QB avlodidagi avtomobillarni qamrab oladi. Muammo sug‘urta blokida yuzaga kelishi mumkin bo‘lgan qisqa tutashuv xavfi bilan bog‘liq. Shu sababli ushbu avtomobil egalari rasmiy servis markazlariga murojaat qilishi tavsiya etilgan. Ta’mirlash ishlari bepul amalga oshiriladi.
Kampaniyani Rossiyadagi rasmiy importyor «Kia Rossiya va MDH» kompaniyasi olib boradi. Ta’mirlash jarayonida gidroelektron boshqaruv blokidagi multipredoxranitel almashtiriladi. Bundan tashqari, sug‘urta blokining qopqog‘iga to‘g‘ri axborot belgisi qo‘yiladi.
Regulyator xabarida ushbu nosozlik real yong‘in holatlariga sabab bo‘lgan-bo‘lmagani haqida ma’lumot berilmagan. Chaqirib olish dasturi 2011 – 2018-yillarda ishlab chiqarilgan avtomobillarga taalluqli. O‘sha davrda Rossiya bozori uchun Kia Rio avtomobillari Sankt-Peterburgdagi Hyundai zavodida yig‘ilgan.
Eslatib o‘tamiz, Kursiv Uzbekistan nashri Kia kompaniyasi AQShda rekord o‘rnatgani haqida yozgan edi.
