Apple kompaniyasi buklanadigan iPhone ishlab chiqish rejasini bekor qilishi mumkin. Bu haqda Instant Digital taxallusi bilan tanilgan insayder xabar berdi.
Unga ko‘ra, kompaniya bunday qurilmani yaratish imkoniyatini o‘rganib chiqqan, biroq u foydalanuvchilarga yangi imkoniyatlar bermaydi degan xulosaga kelgan.
Bekor bo‘lishiga nima sabab bo‘lishi mumkin
Insayderning aytishicha, bunday turdagi qurilmada korpus o‘rtasidagi bukiluvchi mexanizm ichki joyni ancha toraytiradi. Natijada batareya sig‘imini kamaytirishga to‘g‘ri keladi va orqa kameralarni joylashtirishda muammolar yuzaga keladi.
Shuningdek, kompaniya avval chiqarilgan kichik o‘lchamli smartfonlar savdosini ham inobatga olgan. Xususan, iPhone 12 mini va iPhone 13 mini modellari kutilgan darajada talabga ega bo‘lmagan.
Buklanadigan iPhone baribir paydo bo‘lishi mumkin
Biroq bu qaror faqat buklanadigan modelga taalluqli. Kompaniya kitob kabi ochiladigan buklanadigan iPhone ustida ishlarni davom ettirmoqda. Bunday qurilma 2026-yilda taqdim qilinishi mumkin.
Avvalroq Kursiv Uzbekistan Samsung cho‘ziluvchan ekranli yangi smartfonni namoyish etgani haqida yozgandi.
