Umumiy ovqatlanish sohasida eng ko‘p soliq to‘lagan kompaniyalar qaysi

2025-yilda O‘zbekistonda umumiy ovqatlanish korxonalari tomonidan 1,7 trln so‘mdan ortiq soliq to‘langan. Bu haqda Soliq qo‘mitasi ma’lumotlari e’lon qilindi.

Unga ko‘ra, ushbu summaning 335,5 mlrd so‘mi yoki qariyb 19,6 foizi eng yirik 20 ta kompaniya hissasiga to‘g‘ri keladi. Mazkur korxonalarning umumiy tovar aylanmasi 4,7 trln so‘mni tashkil etgan, ularga berilgan soliq imtiyozlari esa 46,3 mlrd so‘m bo‘lgan.

Yil davomida eng katta soliq to‘lovchiga aylangan kompaniya – International Foodchain. U KFC tarmog‘ining O‘zbekistondagi franshizasi bo‘lib, 89,5 mlrd so‘m soliq to‘lagan.

Ikkinchi o‘rinni Mak Food Servis egalladi. Evos brendi bilan ishlovchi kompaniya Davlat budjetiga 69 mlrd so‘m soliq o‘tkazgan. Kuchli uchlikni esa 40,4 mlrd so‘m bilan Ketring yakunlab berdi. Ushbu korxona Uzbekistan Airways aviakompaniyasining umumiy ovqatlanish xizmatlarini ko‘rsatuvchi sho‘ba tashkiloti hisoblanadi.

Eng ko‘p soliq to‘lagan 20 ta umumiy ovqatlanish korxonasi (2025)

#	Kompaniya	Brend / yo‘nalish	Soliq (mlrd so‘m)
1	International Foodchain	KFC	89,5
2	Mak Food Servis	Evos	69
3	Ketring	Uzbekistan Airways catering	40,4
4	Oqtepa Food Service	Oqtepa Lavash	38,7
5	Good Food Catering	Catering xizmatlari	9
6	Feedup Eco	Fast food	8,1
7	Savdo	Ovqatlanish xizmati	7,5
8	PJ Eastern Group	Restoran tarmog‘i	7,3
9	Bellissimo Pizza International	Pizza tarmog‘i	7,1
10	Maxway Food	Fast food	6,8
11	French Pastry	Pishiriqlar tarmog‘i	6,5
12	MOB Group	Restoran biznesi	6,4
13	Vanilla Food	Ovqatlanish xizmati	5,9
14	Chef Catering	Catering	5,9
15	Alfa Best	Ovqatlanish xizmati	5,9
16	Wencaf	Kafe tarmog‘i	4,8
17	Real Business Trade	Ovqatlanish xizmati	4,5
18	The Choyxona Group	Restoran tarmog‘i	4,2
19	Lambic	Restoran	4
20	Dodo Pizza Tashkent	Pizza tarmog‘i	4