General Motors 2026-yilgi Chevrolet Groove’ni rasmiy ravishda Urugvay bozoriga chiqardi. Bu haqda GMAuthority nashri xabar berdi.
Dizayn va texnologiya
GM Urugvayning Kommunikatsiya bo‘limi ma’lumotiga ko‘ra, yangi 2026 Groove kengaytirilgan xavfsizlik, ichki makon, yangilangan dizayn va ilg‘or texnologiya bilan ajralib turadi.
Bozorda ikkita variant taqdim etilgan: LT (bazaviy) va RS (sport versiyasi). Ikkalasi ham Chevrolet Intelligent Driving Assist kabi texnologiya va xavfsizlik tizimlariga ega. RS varianti qo‘shimcha ravishda ikki rangli karobka, avtomatik konditsioner va bir qator yuqori sifatli funksiyalar bilan jihozlangan.
Urugvayga kelayotgan barcha 2026 Groove modellari 1.5L I4 motor bilan jihozlangan bo‘lib, 98 ot kuchi va 105 lb-ft moment ishlab chiqaradi.
Barcha avtomobillar olti tezlikli mexanik uzatmalar orqali old g‘ildiraklarga quvvat yetkazadi. Bu kuch birligi shahar sharoitida samarali, tekis va javob berishga moslashuvchan bo‘lishi uchun mo‘ljallangan.
Narxlar
Yangi 2026 Chevy Groove rasmiy Chevrolet dilerliklarida sotuvga chiqdi va oldingi modelga nisbatan yanada kengroq, qulayroq va texnologik jihatdan boy variant sifatida taqdim etildi. Urugvaydagi narxlar:
- 2026 Groove LT: $23,990;
- 2026 Groove RS: $25,990.
Avvalroq Kursiv Uzbekistan Cobalt’dan arzon Chery QQ3 EV uchun buyurtmalar boshlangani haqida yozgandi.
