Yangihayotdagi FVB xodimi pora bilan qo‘lga tushdi

Toshkent shahri Yangihayot tumani Favqulodda vaziyatlar bo‘limi kichik inspektoriga nisbatan jinoyat ishi qo‘zg‘atildi. Bu haqda DXX matbuot xizmati ma’lum qildi.

Ma’lum qilinishicha, inspektor mahalliy MChJ rahbaridan $1,5 ming olayotgan vaqtida ashyoviy dalillar bilan ushlangan. U o‘z hamkasblari orqali MChJ tomonidan tuman hududida faoliyat yurituvchi korxona uchun o‘rnatilgan yong‘in xavfsizligi jihozlarini qabul qilish bo‘yicha bayonnoma rasmiylashtirib berish evaziga pul talab qilgan.

Holat yuzasidan unga Jinoyat kodeksining 168-moddasi 3-qismi «v» bandi hamda 28 va 211-moddalari 1-qismi bo‘yicha jinoyat ishi qo‘zg‘atilib, «qamoq» ehtiyot chorasi qo‘llanilgan. Hozirda tergov harakatlari davom etmoqda.

Eslatib o‘tamiz, avvalroq Sirdaryo viloyatida kadastr xodimi pora bilan qo‘lga tushgan edi.