General Motors Braziliyada taqdim etiladigan 2026-yilgi Chevrolet Onix Activ subkompakt avtomobilining yangi outdoorsy versiyasi boshlang‘ich darajadagi krossoverlarga muqobil sifatida ishlab chiqildi. Bu haqda GMAuthority nashri xabar berdi.
GM Janubiy Amerika bo‘limiga ko‘ra, Onix Activ foydalanuvchilarga oshirilgan yer balandligi, yangilangan suspenziya va shaharda qulay harakatlanish imkoniyatini taqdim etadi. Bu model Chevrolet krossoverlari qatoriga kirish nuqtasi sifatida xizmat qiladi va kompaniyaning utility vehicle liniyasini yangilashga yordam beradi.
GM Janubiy Amerika mahsulot marketingi direktori Paula Sayani ta’kidladi:
«Yangi Onix Activ yaqin oylar ichida taqdim etiladi. Strategik ravishda ishlab chiqilgan model raqobatbardosh xususiyatlari, digital panel, besh yillik kafolat va o‘z sinfidagi yuqori ishlash ko‘rsatkichlari bilan ajralib turadi».
2026-yilgi Onix Activ oldingi avloddan farqli ravishda faqat tashqi ko‘rinishni o‘zgartirish bilan cheklanmaydi. U shahardagi haydovchilik qiyinchiliklariga tayyorlangan bo‘lib, yuqoriroq haydash pozitsiyasi, mustahkamroq dizayn va yangilangan suspenziyaga ega.
Yangi modelning tashqi ko‘rinishi quyidagi o‘ziga xos detallar bilan boyitilgan: qora Chevrolet emblemasi, eksklyuziv oynalar va radiator panjarasi, yangi alyuminiy g‘ildiraklar, funktsional lyuk, shuningdek, shaharda va tabiat sharoitida mustahkam xarakterini ta’kidlaydigan boshqa noyob elementlar. Orqa chiroqlar aniq shisha linzalar bilan jihozlangan va ilgari ko‘rilmagan vizual tafsilotlarga ega.
2026-yilgi Chevrolet Onix Activ rasmiy taqdimoti Braziliyada yaqin haftalarda bo‘lib o‘tadi.
Avvalroq Kursiv Uzbekistan Chevrolet Onix avtomobilining yangi avlodi qanday ko‘rinishga egaligi haqida yozgandi.
