Samsung Galaxy A37 va Samsung Galaxy A57 smartfonlarining narxlari rasmiy taqdimotidan oldin oshkor etildi. Bu haqda Vodafone South Africa ma’lum qilmoqda.
Ma’lumotlarda dizayn, xususiyatlar va narxlar ko‘rsatilgan. Rasmiy taqdimot 25-mart kuni bo‘lib o‘tadi. Galaxy A37 uch rangda taqdim etiladi. Ular Dark Green, Gray va Light Violet ranglaridir. 8/256 GB xotirali versiya $445 etib belgilangan.
Ushbu model 50, 8 va 5 MP kameralar bilan jihozlanadi. Batareya sig‘imi 5000 mA/soatni tashkil etadi. 45 Vt tezkor quvvatlash qo‘llab-quvvatlanadi.
Galaxy A57 esa Dark Blue va Gray ranglarda chiqadi. 8/256 GB varianti $595 deb baholangan. Smartfon 120 Hz yangilanish chastotasiga ega AMOLED ekran oladi. Batareya ham 5000 mA/soatni tashkil etadi. Kamera tizimi 50, 12 va 5 MP sensorlardan iborat.
Eslatib o‘tamiz, Kursiv Uzbekistan nashri Samsung Galaxy S26 Ultra egalariga $250 gacha kompensatsiya taklif qilgani haqida yozgan edi.
