Geely kompaniyasi Geely EX5 PHEV gibrid krossoverini Braziliya bozoriga olib chiqishga tayyorlanmoqda. Model allaqachon kompaniyaning rasmiy saytida paydo bo‘ldi.
Yangi avtomobil 2026-yilda sotuvga chiqadi. U Geely’ning Braziliyada ishlab chiqariladigan ilk modeli bo‘ladi. Dastlab avtomobil import qilinadi. Keyinchalik esa Renault bilan hamkorlikda Parana shtatidagi zavodda ishlab chiqarish yo‘lga qo‘yiladi.
Model plug-in gibrid tizimga ega bo‘ladi. Unda 1,5 litrli benzin dvigatel va elektromotor ishlaydi. Umumiy tizim yaxshi tejamkorlik va samaradorlikni ta’minlaydi. Ma’lumotlarga ko‘ra, avtomobil elektr rejimida 200 km gacha yurishi mumkin. Batareya bo‘sh holatda ham o‘rtacha 26,6 km/l yonilg‘i sarfini ko‘rsatadi.
EX5 PHEV o‘lchamlari bo‘yicha ham yirik krossover hisoblanadi. Uning uzunligi 4,74 metr, g‘ildirak bazasi esa 2,75 metrni tashkil etadi.
Tashqi ko‘rinishda gibrid versiya elektr modeldan farq qiladi. Old qismida ko‘proq chiziqlar va ajratilgan faralar mavjud. Yon tomonda yangi disklar qo‘llanilgan. Model BYD Song Plus va Haval H6 kabi raqobatchilarga qarshi chiqadi. Geely EX5 PHEV kompaniyaning Braziliya bozoridagi strategiyasida muhim rol o‘ynashi kutilmoqda.
Eslatib o‘tamiz, Kursiv Uzbekistan nashri Geely Atlas avtomobili qanday imkoniyatlar bilan yangilangani haqida yozgan edi.
