General Motors (GM) AQShda pikap ishlab chiqarishni oshirishga qaror qildi. Bu haqda «Tarantas Nyus» nashri xabar bermoqda.
Kompaniya talab yuqori bo‘lgani uchun ishlab chiqarish rejimini o‘zgartirmoqda. Gap Michigan shtatidagi Flint Assembly zavodi haqida ketmoqda. Bu yerda Chevrolet Silverado va GMC Sierra modellarining og‘ir versiyalari ishlab chiqariladi.
Iyun oyidan boshlab zavod olti kunlik ish haftasiga o‘tadi. Bu ishlab chiqarish hajmini kengaytiradi va qo‘shimcha quvvat talab qilmaydi. Qaror yuqori talab bilan bog‘liq. O‘tgan yili kompaniya qariyb 320 ming dona pikap sotgan. Bu AQShda katta avtomobillarga qiziqish yuqoriligini ko‘rsatadi.
Yonilg‘i narxlari oshganiga qaramay, sotuvlar pasaymagan. Xaridorlar hanuz katta va kuchli avtomobillarni tanlamoqda. Tarif siyosati ham muhim omil bo‘lmoqda. Ishlab chiqarishni ichki bozorda oshirish kompaniyaga xarajatlarni nazorat qilishga yordam beradi.
Bugungi kunda bunday pikaplarning o‘rtacha narxi $50 mingga yaqinlashgan. Bu esa ularni GM uchun asosiy daromad manbalaridan biriga aylantirmoqda.
Eslatib o‘tamiz, Kursiv Uzbekistan nashri GM Janubiy Koreyaga yana $300 mln sarmoya kiritishi haqida yozgan edi.
