Rim papasi Leo global Katolik cherkovining birinchi amerikalik yetakchisi Eron urushi bo‘yicha Donald Tramp va uning tashqi siyosatiga qarshi ochiq tanqidlar bilan chiqdi. Bu haqda Reuters agentligi ma’lum qildi.
O‘tgan yilning may oyida lavozimga kirishgan Leo 10 oy davomida AQSh va uning prezidentini jamoat oldida hech qachon tilga olmagan. 31-mart kuni u birinchi marta Trampni urushni to‘xtatishga chaqirdi va Amerika xalqiga tushunarli bo‘lgan iborada «chiqish yo‘lini» topishni tavsiya qildi.
Shuningdek, Leo Eron urushini boshlagan va «qo‘llari qonga botgan» yetakchilarning ibodatlari Xudo tomonidan rad etilishini ma’lum qilgan. Bu izohlar konservativ katoliklar tomonidan AQSh Mudofaa vaziri Pet Hegsetga qaratilgan deb talqin qilindi. Tramp ma’muriyati esa bu izohlarga ilk marta bevosita javob berib, prezident va harbiy yetakchilarimizda ibodat bilan bog‘liq muammo yo‘qligini aytdi.
Leo, shuningdek, urush boshlagan xristian siyosiy yetakchilarni tavba qilishga chaqirib, harbiy havo zarbalarini taqiqlashni talab qilgan. Vatikan rasmiysi papa so‘zining global ahamiyatga ega ekanini va u barcha insonlar, ayniqsa, zaiflar manfaatini himoya qilayotganini ta’kidladi.
Eslatib o‘tamiz, avvalroq AQSh bo‘ylab yuzlab shaharda prezident Donald Trampning siyosatiga qarshi norozilik namoyishlari o‘tkazilgan edi.
