6-aprel kuni O‘zbekistonda ob-havo o‘zgaruvchan bo‘ladi. Kunning ikkinchi yarmida ayrim hududlarda yomg‘ir yog‘ishi, ba’zi joylarda momaqaldiroq kuzatilishi mumkin.
Toshkent viloyati va Farg‘ona vodiysi hududlarida esa yog‘ingarchilik kutilmaydi. Shamol 7–12 m/s tezlikda esadi. Ayrim joylarda u 13–18 m/s gacha kuchayishi mumkin. Havo harorati 18–23 daraja atrofida bo‘ladi, ayrim hududlarda 24–26 darajagacha ko‘tariladi.
Toshkent shahrida kun davomida yog‘ingarchilik kuzatilmaydi. Shamol 5–10 m/s tezlikda esadi. Harorat 24–26 darajani tashkil etadi. Tog‘ oldi va tog‘li hududlarda esa ob-havo nisbatan beqaror bo‘ladi. Ba’zi joylarda yomg‘ir yog‘adi, momaqaldiroq bo‘lishi mumkin. Ayrim hududlarda tuman tushishi kutilmoqda.
Gidrometeorologiya xizmati agentligining ogohlantirishicha, tog‘li hududlarda sel-suv toshqinlari yuzaga kelishi ehtimoli bor. 2000 metrdan yuqori joylarda esa qor ko‘chishi xavfi saqlanib qolmoqda. Bu hududlarda harorat 13–18 daraja atrofida bo‘ladi.
Eslatib o‘tamiz, Kursiv Uzbekistan nashri bir qator tog‘li hududlarda qor ko‘chish xavfi e’lon qilingani haqida yozgan edi.
