2026-yil boshidan buyon turizm, umumiy ovqatlanish va qishloq xo‘jaligi sohasidagi tadbirkorlarga jami 32,3 mlrd so‘m QQS qaytarildi. Bu haqda Soliq qo‘mitasi ma’lum qildi.
Qaytarilgan mablag‘larning asosiy qismi umumiy ovqatlanish korxonalariga to‘g‘ri kelgan. Ushbu yo‘nalishda 587 ta korxonaga 25,6 mlrd so‘m qaytarilgan. Shuningdek, 99 ta mehmonxonaga 1,6 mlrd so‘m, 15 ta turoperatorga esa 273,1 mln so‘m QQS qaytarildi.
Qishloq xo‘jaligi yo‘nalishida 28 ta chorvachilik va parrandachilik xo‘jaliklari 1,1 mlrd so‘m mablag‘ oldi. Bundan tashqari, 111 ta zargarlik korxonalariga 3,7 mlrd so‘m QQS qaytarilgan.
Jadval:
| Yo‘nalish | Korxonalar soni | Qaytarilgan QQS |
|---|---|---|
| Turoperatorlar | 15 ta | 273,1 mln so‘m |
| Mehmonxonalar | 99 ta | 1,6 mlrd so‘m |
| Umumiy ovqatlanish | 587 ta | 25,6 mlrd so‘m |
| Chorvachilik va parrandachilik | 28 ta | 1,1 mlrd so‘m |
| Zargarlik korxonalari | 111 ta | 3,7 mlrd so‘m |
| Jami | 840 ta | 32,3 mlrd so‘m |
Eslatib o‘tamiz, Kursiv Uzbekistan nashri 2030-yilga borib soliq tushumlari 491,5 trln so‘mga yetkazilishi haqida yozgan edi.
