O‘zbekiston va Qozog‘iston o‘rtasidagi chegara o‘tish punktlaridan biri — «G‘ishtko‘prik» (Qozog‘iston tomonida «Jibek Joli») yaqin orada qayta ishga tushiriladi. Ma’lumotlarga ko‘ra, ushbu punkt 2026-yil sentabr oyida yana faoliyat boshlashi rejalashtirilgan.
Qozog‘iston bosh vazir o‘rinbosari Serik Jumanqarin «O‘zbekiston 24» telekanaliga bergan intervyusida chegara infratuzilmasini modernizatsiya qilish ishlari davom etayotganini ma’lum qildi. Uning aytishicha, asosiy e’tibor avtomobil va temiryo‘l o‘tish punktlarini kengaytirish hamda ularning o‘tkazuvchanlik imkoniyatini oshirishga qaratilgan.
Rejaga ko‘ra, modernizatsiyadan so‘ng «Jibek Joli» chegara punkti sezilarli darajada katta yuklamani qabul qila oladi. Uning o‘tkazuvchanligi ilgari kuniga taxminan 30 ming kishi bo‘lgan bo‘lsa, endilikda 70 ming kishigacha yetishi kutilmoqda. Shuningdek, bu yer orqali sutkasiga 2 mingdan ortiq yengil avtomobil o‘tishi mumkin bo‘ladi.
Bu loyiha ikki davlat o‘rtasidagi savdo-iqtisodiy va transport aloqalarini yanada tezlashtirishga xizmat qilishini ta’kidlamoqda. Bundan tashqari, hududda temiryo‘l yo‘nalishlarini rivojlantirish, jumladan Darboza — Maqtaaral temiryo‘l liniyasi qurilishini yakunlash ham rejalashtirilgan.
Avvalroq Kursiv Uzbekistan G‘ishtko‘prik chegara bojxona posti 2025-yil 5-fevraldan boshlab to‘rt oy davomida yopilgani haqida yozgandi.
