O‘zbekistonda atom elektr stansiyasi uchun mo‘ljallangan birinchi ikkita kichik reaktor qurilishi taxminan $1 mlrdga tushadi. Bu haqda Savdo-sanoat palatasi raisi o‘rinbosari Suxrob Abdurahmonov Toshkentda bo‘lib o‘tayotgan «Innoprom. Markaziy Osiyo» ko‘rgazmasida ma’lum qildi.
Elektr stansiyasi loyihasi mamlakatning energetik xavfsizligini mustahkamlash va elektr energiyasi manbalarini diversifikatsiya qilish orqali boshqa manbalarga bog‘liqlikni kamaytirishga qaratilgan.
Soha vakillari ta’kidlashicha, atom energetikasi nafaqat barqaror elektr energiyasi ishlab chiqarish manbai, balki iqtisodiyotni rivojlantirish uchun ham muhim turtki sifatida ko‘rilmoqda.
Jizzax AES qurilishi direksiyasi rahbari o‘rinbosari Otabek Amanov bunday loyihalar odatda bir qator sohalar uchun o‘sish nuqtasiga aylanishini ta’kidladi. Bu qurilish sanoati, elektrotexnika ishlab chiqarish va mashinasozlik rivojiga tegishli. Bundan tashqari, loyiha energetika sohasida ishlash uchun mutaxassislar tayyorlash va yangi yo‘nalishlar shakllantirishni ham nazarda tutadi.
Eslatib o‘tamiz, avvalroq Forish tumanidagi AES qurilishi doirasida strategik hamkorlik hujjatlari imzolan va dastlabki beton ishlari boshlangan edi.
