2026-yilda Forbes global reytingidagi rossiyalik milliarderlar soni 155 nafarga yetdi, ularning umumiy boyligi esa $696,5 mlrdni tashkil etdi. Taqqoslash uchun: o‘tgan yili ular 146 kishi bo‘lib, aktivlari $625,5 mlrdga baholangan edi.
«Bir yil ichida o‘sish to‘qqiz kishini tashkil etdi. Bu birinchi navbatda, Markaziy bankning yuqori asosiy stavkasi va sanksiyalar bosimi tufayli Rossiya iqtisodiyotining sekinlashishi bilan bog‘liq. Boshqa tomondan, dollarning zaiflashishi rossiyalik milliarderlar foydasiga ishladi — bir yil ichida rubl 16 foizga mustahkamlandi», — deb ta’kidladi nashr.
60 yoshli Aleksey Mordashov Rossiyaning eng boy biznesmeniga aylandi. Uning boyligi bir yil ichida $8,4 mlrd ga o‘sib, 2026-yil boshida $37 mlrd deb baholandi.
Ikkinchi o‘rin Vladimir Potaninga tegishli bo‘lib, uning kapitali bu yil Forbes Russia tomonidan $29,7 mlrd (+$5,5 mlrd) deb baholandi. Yetakchilar uchligini bir yil ichida boyligi $0,8 mlrd ga ko‘payib, $29,5 mlrd ga yetgan Vagit Alekperov yakunladi.
Undan keyin Leonid Mixelson — $28,3 mlrd, Sulaymon Kerimov — $25,7 mlrd, Vladimir Lisin — $25,5 mlrd joy olgan.
Yettinchi o‘rinda boyligi $24,2 mlrd ga o‘sgan Gennadiy Timchenko joylashdi. Undan keyin Andrey Melnichenko va Mixail Fridman — mos ravishda $20,4 mlrd va $16,5 mlrd bilan joylashdilar.
Alisher Usmonovning boyligi joriy yilda Forbes tomonidan $14,5 mlrd deb baholandi. Bugungi kunda asli o‘zbekistonlik bo‘lgan rossiyalik milliarder Toshkentda yashamoqda.
Avvalroq Kursiv Uzbekistan Mask SpaceX’dagi ulushini oshirish uchun 1,4 mlrd dollar sarflagani haqida xabar bergan edi.
