General Motors (GM) tarkibiga kiruvchi Chevrolet brendi 2027-yilgi Chevrolet Traverse modelini yangilangan ranglar bilan taqdim etadi. Bu haqda GMAutority nashri xabar bermoqda.
Yangi model uchun ikkita yangi rang joriy etildi. Ular mor yashil rang va ko‘k metall rang bo‘lib, avtomobil dizayniga yangicha ko‘rinish beradi. Ko‘k metall rang faqat High Country va RS kabi yuqori komplektatsiyalarda taklif etiladi. Mor rang esa deyarli barcha versiyalarda mavjud bo‘ladi.
Shu bilan birga, avvalgi Stardust Metallic va Lakeshore Blue Metallic ranglari ishlab chiqarishdan chiqariladi. Yangi ranglar qo‘shimcha to‘lovsiz taklif etilishi kutilmoqda.
2027-yilgi model ishlab chiqarilishi 2026-yil 20-iyuldan boshlanishi rejalashtirilgan. Buyurtmalar esa 18-iyundan qabul qilina boshlaydi. Ishlab chiqarish AQShning Michigan shtatidagi zavodda yo‘lga qo‘yiladi. Texnik jihatdan model o‘zgarishsiz qolgan. Avtomobil 2,5 litrli turbomotor bilan jihozlanadi. Ushbu dvigatel 328 ot kuchi ishlab chiqaradi va 8 pog‘onali avtomatik uzatma bilan ishlaydi.
Eslatib o‘tamiz, Kursiv Uzbekistan nashri Chevrolet Cobalt uchun shartnomalar ochilgani haqida yozgan edi.
