Qirg‘izistonda 2026-yilda Qurbon hayiti 27-may kuni nishonlanadi. Bu haqda mamlakat musulmonlari diniy idorasi ma’lum qildi.
Qurbon hayiti islom dinidagi eng muhim bayramlardan biri hisoblanadi. Uning sanasi har yili o‘zgarib turadi, chunki u hijriy oy taqvimiga asosan belgilanadi. Bayram haj ibodatining yakunlanishini bildiradi. Shu kuni musulmonlar qurbonlik qiladi, muhtojlarga yordam beradi va xayriya ishlarini amalga oshiradi.
Hayit haqida
Qurbon hayiti islom dinidagi eng ulug‘ bayramlardan biri hisoblanadi. U hijriy taqvim bo‘yicha Zulhijja oyining 10-kunida nishonlanadi va haj ibodatining yakuniga to‘g‘ri keladi. Bayram kuni musulmonlar ertalab hayit namozini o‘qiydi. Shundan so‘ng qurbonlik marosimi amalga oshiriladi. Odatda qo‘y, echki, qoramol yoki tuya so‘yiladi va go‘shti ehtiyojmandlarga ulashiladi. Bu amal saxovat, mehr-oqibat va boshqalarga yordam berish g‘oyalarini ifodalaydi.
Eslatib o‘tamiz, Kursiv Uzbekistan nashri may oyida o‘zbekistonliklar necha kun dam olishi haqida yozgan edi.
