Xiaomi kompaniyasining yangi Xiaomi 17 Max smartfoni haqida ilk ma’lumotlar paydo bo‘ldi. Gizmochina ma’lumotiga ko‘ra, qurilma may oyining ikkinchi yarmida Xitoyda taqdim etilishi kutilmoqda.
Ma’lumotlarga ko‘ra, smartfon 6,9 dyuymli OLED displeyga ega bo‘ladi. Ekran 1.5K rezolyutsiyani qo‘llab-quvvatlaydi va LIPO texnologiyasi tufayli deyarli ramkasiz dizaynga ega bo‘ladi. Model muhim o‘zgarishlardan birini olgan. Pro versiyalardan farqli ravishda, u orqa paneldagi qo‘shimcha ekrandan voz kechadi. Bo‘shagan joy esa batareyani kattalashtirish uchun ishlatiladi.
Smartfon 8000 mA/soat sig‘imli akkumulyatorga ega bo‘lishi mumkin. Agar bu tasdiqlansa, bu Xiaomi tarixidagi eng katta batareya bo‘ladi. Shuningdek, 100 Vt simli va 50 Vt simsiz tezkor zaryadlash qo‘llab-quvvatlanishi kutilmoqda. Bunday batareya smartfonni bozordagi eng avtonom qurilmalardan biriga aylantirishi mumkin.
Shuningdek, qurilma yangi avtomobil bilan bir vaqtda taqdim etilishi mumkinligi aytilmoqda. Smartfon allaqachon tarmoqqa ulanish uchun rasmiy ruxsat olgan.
Eslatib o‘tamiz, Kursiv Uzbekistan nashri Xiaomi arzon Redmi Pad 2 planshetini taqdim etgani haqida yozgan edi.
