Xitoy bozorida Xiaomi’ning eng ilg‘or modeli Xiaomi 17 Ultra savdosi kutilgan darajaga chiqmagan. Hisob-kitoblarga ko‘ra, ushbu model sotuvga chiqqanidan beri atigi 207 ming dona atrofida sotilgan.
Shu bilan birga, Xiaomi 17 seriyasining umumiy savdosi 18-haftaga kelib qariyb 4,7 million qurilmaga yetgani aytilmoqda. Ilk kunlardayoq butun seriya 1 milliondan ortiq sotuvga erishgani ham xabar qilingan edi.
Biroq kompaniya Xiaomi 17 seriyasini Apple’ning iPhone 17 liniyasiga raqobatchi sifatida taqdim etgan bo‘lsa-da, amalda farq juda katta. Ma’lumotlarga ko‘ra, Xitoyda iPhone 17 seriyasi 24 millionga yaqin sotilgan, uning eng ommabop modeli esa iPhone 17 Pro Max bo‘lib, u 10 milliondan ortiq faollashtirilgan qurilma ko‘rsatkichiga 150 kun ichida erishgan.
Avvalroq Kursiv Uzbekistan Xiaomi 17 Ultra Leica Edition yangi rangda taqdim etilgani haqida yozgandi.
