Nubia kompaniyasi tomonidan taqdim etilgan Z80 Ultra smartfoni may oyidagi eng yaxshi smartfon deb topildi. AnTuTu ishlab chiquvchilari reytingi e’lon qilindi.
Smartfon bir necha oydan beri reyting yetakchisi bo‘lib qolmoqda. Nubia Z80 Ultra egalarining qoniqish darajasi 98 foizdan yuqori bo‘lgan. Model to‘liq ekranli dizayni bilan ajralib turadi. Unda ekran kesimi yoki teshik yo‘q.
Qurilma muqobil kamera yechimi, 7200 mA/soat sig‘imli akkumulyator va IP69 darajasidagi himoya bilan jihozlangan. Bu xususiyatlar foydalanuvchilar bahosiga ijobiy ta’sir qilgan bo‘lishi mumkin. Reytingda ikkinchi o‘rinni Oppo K13 Turbo 5G egalladi. Uning foydalanuvchilar qoniqish ko‘rsatkichi 98 foizni tashkil etdi.
Jadval:
| O‘rin | Smartfon modeli | Qoniqish darajasi |
|---|---|---|
| 1 | Nubia Z80 Ultra | 98,21% |
| 2 | Oppo K13 Turbo 5G | 98% |
| 3 | Xiaomi 17 Ultra by Leica | 97,69% |
| 4 | Huawei Mate 70 Pro Premium Edition | 97,50% |
| 5 | Oppo Find N5 | 96,19% |
| 6 | Oppo Find X8 Ultra | 95,47% |
| 7 | Nubia Z70S Ultra Photographer Edition | 95% |
| 8 | Oppo Find X8s | 94,55% |
| 9 | Xiaomi 15 Ultra | 93,81% |
| 10 | OnePlus Ace 6 | 93,56% |
Uchinchi o‘ringa Xiaomi 17 Ultra ko‘tarildi. U top-3 talikdan Oppo Find X8 Ultra modelini siqib chiqardi. Keyingi pog‘onalardan Huawei Mate 70 Pro Premium Edition joy oldi. Uning ko‘rsatkichi 97,50 foiz bo‘ldi.
Shuningdek, Oppo Find N5 96,19 foiz natija qayd etdi. Oppo Find X8 Ultra esa 95,47 foiz bilan ro‘yxatda keyingi o‘rinni egalladi. Nubia Z70S Ultra Photographer Edition modeli 95 foizlik natija bilan reytingga kirdi. Top-10 talikni Oppo Find X8s, Xiaomi 15 Ultra va OnePlus Ace 6 yakunlagan.
Ularning barchasi 93 foizdan yuqori baho olgan. Reytingda Oppo eng ko‘p model bilan ishtirok etdi. Ro‘yxatda ushbu brendning to‘rtta smartfoni bor.
Nubia va Xiaomi esa ikkitadan model bilan qayd etildi. Samsung smartfonlari bu safargi ro‘yxatdan joy olmadi. Avvalgi reytinglarda Janubiy Koreya kompaniyasining ayrim modellari ham bunday ro‘yxatlarga kirgan edi.
Avvalroq Kursiv Uzbekistan Oppo Reno 16 Pro smarfoni qanday xususiyatlar bilan chiqishi haqida yozgan edi.
