O‘zbekistonda dollar hafta davomida keskin tebrandi. Ma’lumotlarga ko‘ra, 1-iyundan 5-iyungacha dollar umumiy hisobda 4,73 so‘mga arzonlashdi.
1-iyun kuni dollar kursi 4,11 so‘mga oshib, 12 001,94 so‘mni tashkil qilgan edi. Bu hafta davomida qayd etilgan eng yuqori ko‘rsatkich bo‘ldi. 2-iyun kuni esa dollar 52,91 so‘mga tushdi. Natijada AQSh valyutasi 11 949,03 so‘mga teng bo‘ldi.
Pasayish 3-iyun kuni ham davom etdi. Shu kuni dollar yana 14,39 so‘mga arzonlashib, 11 934,64 so‘mgacha tushdi. Bu hafta davomida qayd etilgan eng past kurs bo‘ldi. Shundan keyin dollar yana o‘sish bosqichiga qaytdi. 4-iyun kuni AQSh dollari 36,04 so‘mga oshib, 11 970,68 so‘mga yetdi. 5-iyun kuni esa kurs yana 26,53 so‘mga ko‘tarildi.
Natijada, dollar haftani 11 997,21 so‘m darajasida yakunladi. Hisob-kitoblarga ko‘ra, 1-iyundagi 12 001,94 so‘mlik kurs bilan solishtirganda, 5-iyun holatiga dollar 4,73 so‘mga pasaydi.
Biroq 3-iyundagi eng past nuqtadan keyin dollar 62,57 so‘mga qimmatlashdi. Hafta davomida eng yuqori va eng past kurs o‘rtasidagi farq 67,30 so‘mni tashkil etdi. Dollar haftaning boshida 12 ming so‘mdan yuqori bo‘lgan bo‘lsa, hafta o‘rtasida 11 934,64 so‘mgacha tushdi.
Avvalroq Kursiv Uzbekistan 8-iyun uchun valyutalar kursi e’lon qilingani haqida yozgan edi.
