O‘zbekistonda dollar kursi hafta davomida o‘zgaruvchan dinamikani namoyish etdi. Markaziy bank ma’lumotlariga ko‘ra, 5-iyundan 12-iyungacha dollar kursi bir necha bor ko‘tarilib-pasaydi, yakunda esa haftani o‘sish bilan yakunladi.
5-iyun kuni dollar kursi 26,53 so‘mga oshib, 11 997,21 so‘mni tashkil qilgan edi. 8-iyun kuni esa o‘sish yanada kuchaydi va kurs 52,23 so‘mga ko‘tarilib, 12 049,44 so‘mga yetdi. Bu haftadagi eng yirik kunlik o‘sishlardan biri bo‘ldi. 9-iyun kuni dollar kursi 36,04 so‘mga pasayib, 12 013,40 so‘mni tashkil etdi.
Shundan so‘ng kurs yana o‘sish yo‘nalishiga qaytdi. 10-iyun kuni dollar 21,82 so‘mga qimmatlashib, 12 035,22 so‘mga yetdi. 11-iyun kuni esa yana 13,81 so‘mga oshib, 12 054,03 so‘mni tashkil qildi. Bu ko‘rsatkich hafta davomidagi eng yuqori daraja bo‘ldi.
12-iyun kuni dollar kursi 39,55 so‘mga pasayib, 12 014,48 so‘mga tushdi. Shunga qaramay, hafta boshidagi ko‘rsatkich bilan solishtirilganda, dollar umumiy hisobda 17,27 so‘mga qimmatlashgan.
Haftalik natijaga ko‘ra, AQSh dollari so‘mga milliy valyutaga nisbatan 34,96 so‘mga mustahkamlandi.
Avvalroq Kursiv Uzbekistan nashri 15-iyun uchun valyutalar kursi e’lon qilingani haqida yozgan edi.
