«O‘zgidromet» ma’lumotiga ko‘ra, 14-iyun kuni mamlakat hududlari bo‘yicha ob-havo sharoiti turlicha bo‘ladi. Ayrim viloyatlarda qisqa muddatli yomg‘ir va momaqaldiroq kuzatilishi kutilayotgan bo‘lsa, janubiy hududlarda issiq va quruq ob-havo saqlanib qoladi.
Qoraqalpog‘iston Respublikasi va Xorazm viloyatida kechasi hamda ertalab ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamolning tezligi ayrim hududlarda 20–22 metr/soniyagacha kuchayib, chang-to‘zonlar kuzatilishi ehtimoli bor. Havo harorati kunduzi 32–37 darajani tashkil etadi.
Buxoro va Navoiy viloyatlarida kunning ikkinchi yarmida ayrim joylarda qisqa muddatli yomg‘ir va momaqaldiroq kuzatilishi mumkin. Shamol ba’zi hududlarda kuchayib, chang-to‘zonlarga sabab bo‘lishi ehtimoli mavjud. Kunduzi harorat 35–40 darajagacha ko‘tariladi.
Toshkent, Sirdaryo, Jizzax va Samarqand viloyatlarida yog‘ingarchilik kutilmaydi. Havo biroz bulutli bo‘lib, kunduzgi harorat 33–38 daraja atrofida bo‘ladi.
Qashqadaryo va Surxondaryo viloyatlarida quruq va issiq ob-havo hukm suradi. Yog‘ingarchilik prognoz qilinmayapti. Harorat ayrim hududlarda 42 darajagacha yetishi mumkin.
Andijon, Namangan va Farg‘ona viloyatlarida ham yog‘ingarchilik kutilmaydi. Kunduzi havo 32–37 darajagacha isiydi.
Tog‘oldi va tog‘li hududlarda esa ob-havo o‘zgaruvchan bo‘lib, vaqti-vaqti bilan qisqa muddatli yomg‘ir yog‘ishi hamda momaqaldiroq kuzatilishi mumkin. Harorat kunduzi 22–30 daraja oralig‘ida bo‘ladi.
Avvalroq Kursiv Uzbekistan dam olish kunlari harorat 42 darajagacha chiqishi haqida yozgandi.
