2026-yilning yanvar – aprel oylarida O‘zbekiston va Germaniya o‘rtasidagi tashqi savdo aylanmasi $411,6 mlnni tashkil etib, o‘tgan yilning shu davridagiga nisbatan $20,2 mlnga oshgan. Bu haqda Milliy statistika qo‘mitasi ma’lumotlari e’lon qilindi.
Tashqi savdo tarkibi
Savdo balansida import hajmi ustunlik qilmoqda:
- eksport – $52,4 mln;
- import – $359,2 mln.
Iqtisodiy aloqalarning muhim yo‘nalishlaridan biri — investitsiyalar oqimi. Hozirgi kunda O‘zbekistonda Germaniya kapitali ishtirokida 240 ta korxona faoliyat yuritmoqda (2026-yil 1-may holatiga).
2026-yil yanvar – mart oylarida Germaniyadan O‘zbekistonga jalb qilingan asosiy kapitalga investitsiya va kreditlar hajmi $205,3 mlnni tashkil etgan.
Turizm almashinuvi faollashmoqda
Ikki davlat o‘rtasidagi sayyohlik oqimi ham ortib bormoqda:
- Germaniyadan O‘zbekistonga kelgan sayyohlar – 10 989 nafar;
- O‘zbekistondan Germaniyaga borganlar – 2 981 nafar.
Ta’lim va ilmiy hamkorlik
Ta’lim yo‘nalishida ham almashinuv jarayonlari davom etmoqda:
- Germaniyadan O‘zbekistonga o‘qish maqsadida kelganlar – 42 nafar;
- O‘zbekistondan Germaniyaga tahsil olish uchun ketganlar – 190 nafar.
Avvalroq Kursiv Uzbekistan Mirziyoyev va Shtaynmayer Volkswagen avtomobillarini yig‘ish loyihasiga start bergani haqida yozgandi.
