Apple hali birinchi iPhone Ultra 2 modelini rasman taqdim etmagan bo‘lsa-da, kompaniya uning ikkinchi avlodi ustida ishlashni allaqachon tasdiqlagan bo‘lishi mumkin.
Ma’lumotlarga ko‘ra, iPhone Ultra 2 loyihasining tasdiqlanishi Apple bukiluvchi smartfonlar yo‘nalishini uzoq muddatli strategiya sifatida ko‘rayotganini anglatishi mumkin. Birinchi iPhone Ultra sentabr oyida iPhone 18 Pro va iPhone 18 Pro Max bilan birga namoyish etilishi kutilmoqda.
Insayder ma’lumotida iPhone Ultra 2 kengroq bukiluvchi ekran bilan jihozlanishi aytilgan. Bu qurilma Apple’ning bukiluvchi smartfonlar bozoridagi keyingi yirik qadami bo‘lishi mumkin.
Shu bilan birga, iPhone Air 3 taqdiri hozircha aniq emas. Manbaga ko‘ra, Apple ushbu model ustida ish boshlamagan. iPhone Air 3’ning chiqishi to‘liq iPhone Air 2 savdolariga bog‘liq bo‘ladi.
Nimalarni kutish mumkin
Agar iPhone Air 2 bozorda kutilgan natijani ko‘rsatmasa, Apple iPhone Air oilasini butunlay yopish variantini ko‘rib chiqishi mumkin. Bu esa kompaniya yangi liniyalarni faqat barqaror talab bo‘lgandagina davom ettirishini ko‘rsatadi.
Avvalroq «Kursiv» Apple kompaniyasi App Store’dan VK ilovalarini olib tashlagani haqida yozgan edi.
