Paragvay hukumati futbol bo‘yicha jahon chempionatida Germaniya ustidan qozonilgan tarixiy g‘alabadan keyin mamlakatda milliy bayram e’lon qildi. Paragvay prezidenti Santyago Penya 30-iyunni ushbu g‘alaba sharafiga ruxsat etilgan milliy dam olish kuni deb belgiladi.
Jahon chempionatining pley-off bosqichida Paragvay Germaniyani penaltilar seriyasida mag‘lub etdi. Bu natija mundialning eng katta sensatsiyalaridan biri bo‘ldi, chunki Germaniya to‘rt karra jahon chempioni hisoblanadi va uchrashuv oldidan yaqqol favorit sifatida ko‘rilgan edi.
Paragvay terma jamoasi darvozaboni Orlando Gill uchrashuv qahramoniga aylandi. 26 yoshli posbon o‘zining ilk jahon chempionatida Germaniyaning tajribali darvozaboni Manuel Noyerga qarshi penaltilar seriyasida ustun keldi. Gill seriyada Kay Haverts va Nik Voltemadening zarbalarini qaytarib, jamoasining keyingi bosqichga chiqishida hal qiluvchi rol o‘ynadi.
Paragvay prezidenti Santyago Penya esa g‘alabadan so‘ng farmon imzoladi. Unda Paragvay milliy terma jamoasining Germaniya ustidan tarixiy g‘alabasi munosabati bilan 30-iyun milliy bayram kuni deb e’lon qilingani qayd etilgan.
Avvalroq «Kursiv» Marokash nimchorak finalga chiqqani haqida yozgan edi.
