Serbiyada og‘ir moddiy ahvolga tushib qolgan O‘zbekiston fuqarosiga vatanga qaytish uchun amaliy yordam ko‘rsatildi. Bu haqda «Dunyo» axborot agentligi xabar berdi.
Vatandosh O‘zbekistonning Budapeshtdagi elchixonasi Konsullik bo‘limiga murojaat qilib, O‘zbekistonga qaytishda yordam so‘ragan.
Fuqaro og‘ir moddiy ahvolga tushib qolgan
Ma’lum qilinishicha, uning muammoli vaziyatga tushib qolishiga Serbiyadagi ish beruvchi o‘z majburiyatlarini to‘liq bajarmagani va avvalgi kelishuvlarga amal qilmagani sabab bo‘lgan.
Natijada fuqaro og‘ir moddiy ahvolga tushib, O‘zbekistonga mustaqil qaytish imkoniyatidan mahrum bo‘lgan.
Bepul aviachipta olib berildi
Elchixona ko‘magida unga O‘zbekiston fuqarolarini qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan bepul aviachipta olib berilgan.
Eslatib o‘tamiz, avvalroq prezident Ozarbayjon va Serbiya rahbarlari bilan muhim masalalarni muhokama qilgandi.
