Qoraqalpog‘iston Respublikasida ob-havoning keskin isib ketishi sabab ayrim hududlardagi davlat va nodavlat maktabgacha ta’lim tashkilotlari faoliyati vaqtincha to‘xtatiladi. Bu haqda Respublika Maktabgacha va maktab ta’limi vazirligi ma’lum qildi.
Qaysi hududda qachon yopiladi
| Hudud | Faoliyat vaqtincha to‘xtatiladigan muddat |
|---|---|
| Nukus shahri | 2026-yil 13-iyul – 18-iyul |
| Amudaryo tumani | 2026-yil 13-iyul – 15-iyul |
| Beruniy tumani | 2026-yil 13-iyul – 17-iyul |
| Xo‘jayli tumani | 2026-yil 13-iyul – 18-iyul |
| Taxiatosh tumani | 2026-yil 13-iyul – 17-iyul |
| Shumanay tumani | 2026-yil 13-iyul – 17-iyul |
| Mo‘ynoq tumani | 2026-yil 13-iyul – 17-iyul |
| Qonliko‘l tumani | 2026-yil 13-iyul – 17-iyul |
| To‘rtko‘l tumani | 2026-yil 13-iyul – 17-iyul |
Qarordan maqsad
Mazkur cheklov bolalarning sog‘lig‘ini jazirama issiq ta’siridan himoya qilish hamda ularning xavfsizligini ta’minlash maqsadida joriy etilgan. Faoliyatni vaqtincha to‘xtatish Sanitariya-epidemiologik osoyishtalik va jamoat salomatligi bo‘limlarining tegishli xulosalari hamda tavsiyalariga muvofiq amalga oshiriladi.
Ota-onalarga murojaat
Mas’ullar ota-onalardan farzandlari salomatligiga alohida e’tibor qaratish, kunning eng issiq vaqtlarida ularni uzoq muddat ochiq havoda qoldirmaslik hamda zarur ehtiyot choralariga rioya qilishni so‘radi.
Eslatib o‘tamiz, 13 – 17-iyul kunlari O‘zbekistonda anomal issiq kuzatiladi.
