2026/2027-o‘quv yili uchun davlat oliy ta’lim muassasalarida yangi tashkil etilgan 11 ta ta’lim yo‘nalishi va ularga mos test sinovi fanlari majmuasi tasdiqlandi. Bu haqda Oliy ta’lim, fan va innovatsiyalar vazirligi ma’lum qildi.
Yangi yo‘nalishlar quyidagicha:
- Xorijiy til va adabiyoti: xitoy tili;
- Filologiya va tillarni o‘qitish: pushtu tili;
- Tarjima nazariyasi va amaliyoti: hind tili;
- Tarjima nazariyasi va amaliyoti: urdu tili;
- Davlat auditi, Islomiy moliya;
- Islom iqtisodiyoti va moliyasi;
- Xalqaro huquq va qiyosiy huquqshunoslik;
- Raqamli huquq;
- Sun’iy intellekt va kiberxavfsizlik;
- Qurilish materiallari, buyumlari va konstruksiyalarini ishlab chiqarish.
Ochilgan yangi ta’lim yo‘nalishlarining fanlari majmuasi:
| T/r | Yo‘nalish kodi | Ta’lim yo‘nalishi | 1-fan | 2-fan |
|---|---|---|---|---|
| 1 | 60110900 | Xorijiy til va adabiyoti: xitoy tili | Chet tili | Ona tili va adabiyoti |
| 2 | 60230100 | Filologiya va tillarni o‘qitish: pushtu tili | Chet tili | Ona tili va adabiyoti |
| 3 | 60230200 | Tarjima nazariyasi va amaliyoti: hind tili | Chet tili | Ona tili va adabiyoti |
| 4 | 60230200 | Tarjima nazariyasi va amaliyoti: urdu tili | Chet tili | Ona tili va adabiyoti |
| 5 | 60411500 | Davlat auditi | Matematika | Chet tili |
| 6 | 60411600 | Islomiy moliya | Matematika | Chet tili |
| 7 | 60411700 | Islom iqtisodiyoti va moliyasi | Matematika | Chet tili |
| 8 | 60421400 | Xalqaro huquq va qiyosiy huquqshunoslik | Huquqshunoslik fanlari | Chet tili |
| 9 | 60421500 | Raqamli huquq | Huquqshunoslik fanlari | Chet tili |
| 10 | 60611300 | Sun’iy intellekt va kiberxavfsizlik | Matematika | Fizika |
| 11 | 60731100 | Qurilish materiallari, buyumlari va konstruksiyalarini ishlab chiqarish | Matematika | Fizika |
Qabul kvotalari
Mazkur ta’lim yo‘nalishlari bo‘yicha qaysi davlat oliy ta’lim tashkilotlariga qabul amalga oshirilishi hamda ularga ajratilgan qabul kvotalari alohida e’lon qilingan.
Shuningdek, test sinovlari yakunlangach, abituriyentlar o‘zlari topshirgan fanlar majmuasiga mos keladigan ta’lim yo‘nalishlarini tanlash imkoniyatiga ega bo‘ladi.
Eslatib o‘tamiz, avvalroq oliy malaka toifasiga ega pedagoglar uchun maqsadli magistraturaga qabul boshlangani haqida yozgan edik.
