26-iyul kuni Xitoyning Gonkong hududiga yopirilgan «Xunsya» tayfuni kuchli shamol va vayronagarchiliklarni keltirib chiqardi. Tabiiy ofat sabab 700 mingdan ortiq aholi evakuatsiya qilindi. Bu haqda Mash Telegram kanali xabar berdi.
Kuchli shamol vayronagarchilik keltirdi
Mahalliy ma’lumotlarga ko‘ra, tayfun Gonkongga 26-iyul tongida yetib kelgan. Shamol tezligi soniyasiga 45 metrgacha yetgan. Kuchli shamol binolarning tomlari va tashqi qoplamalarini uchirib ketgan.
700 mingdan ortiq aholi evakuatsiya qilindi
Tabiiy ofat xavfi tufayli 700 mingdan ortiq kishilar xavfsiz hududlarga ko‘chirildi. Hozirgacha kamida to‘qqiz kishi jarohat olgani ma’lum qilingan.
Maktablar yopildi, vaqtinchalik boshpanalar ochildi
Hokimiyat 29 ta vaqtinchalik boshpana tashkil etgan hamda barcha maktablar faoliyatini vaqtincha to‘xtatgan. Ayni paytda tayfun Guandun viloyati tomon shimolga harakatlanmoqda.
Bu yilgi ilk tayfun emas
Avvalroq Xitoyning Xaynan orolining janubiy sohillariga «Maysak» tayfuni yopirilgandi. O‘shanda shamol tezligi soniyasiga 23 metrga yetgan edi. Xaynan hududida tayfunlar mavsumi odatda may oyidan oktabrgacha davom etadi va «Maysak» bu yil kuzatilgan ilk tropik bo‘ron bo‘lgan.
Avvalroq Kursiv Uzbekistan Chilida kuchli yomg‘ir oqibatida 10 kishi halok bo‘lgani haqida yozgandi.
