Huawei 2026-yilning birinchi yarim yilligi yakunlariga ko‘ra, Xitoy smartfon bozorida yetakchilikni saqlab qoldi. Kompaniya ulushi 20,6 foizni tashkil etgani aytilmoqda, Apple esa 17,5 foiz bilan ikkinchi o‘rinda qoldi.
Huawei ulushi 20 foizdan oshdi
Mydrivers nashriga ko‘ra, Huawei’ning Xitoy smartfon bozoridagi ulushi 20,6 foizga yetgan. Ayrim tahlilchilar esa bu ko‘rsatkichni 22,6% deb baholamoqda.
Bu natija Huawei’ga mamlakatdagi eng yirik smartfon ishlab chiqaruvchi maqomini saqlab qolish imkonini berdi.
Apple ikkinchi o‘ringa tushdi
Apple 17,5% bozor ulushi bilan ikkinchi o‘rinni egalladi. Huawei’ning Apple’dan ustunligi 3,1 foiz punktni tashkil qildi.
Manbaga ko‘ra, bu so‘nggi qariyb besh yil ichida Xitoy ishlab chiqaruvchisi Apple’ning bozordagi pozitsiyasini sezilarli darajada zaiflashtirgan ilk holatlardan biri bo‘ldi.
Kuchli oltilik bozorning deyarli barchasini egallagan
Xitoy smartfon bozorida Huawei va Apple’dan keyin Oppo 16,2%, Vivo 15,6%, Xiaomi 14,3% va Honor 11,8% ulush bilan joylashgan.
Olti yetakchi brend jami bozorning qariyb 96 foizini egallagan. Huawei va Apple’ning umumiy ulushi esa 38 foizdan oshgan.
Kichik ishlab chiqaruvchilar uchun raqobat qiyinlashmoqda
Tahlilchilarga ko‘ra, Xitoy bozorida raqobat tobora yirik brendlar atrofida jamlanmoqda.
Yetakchi kompaniyalar ulushi juda yuqori bo‘lgani sabab kichik smartfon ishlab chiqaruvchilar uchun bozorda o‘z o‘rnini saqlab qolish tobora qiyinlashmoqda.
Eslatib o‘tamiz, avvalroq uzoq yillar ishlaydigan beshta arzon smartfon haqida ma’lumot berilgandi. «Palach» nashri e’lon qilgan maqolada uzoq yillar ishlaydigan beshta arzon smartfon va ularni tanlash uchun muhim sabablar haqida so‘z yuritiladi.
