Honor’ning uzoq kutilgan Honor Robot Phone modeli 12-avgust kuni to‘liq taqdim etiladi va u haqda ma’lumotlar e’lon qilindi, deya yozmoqda GSMArena nashri.
Robot Phone 6,3 dyuymli yassi LTPO OLED ekranga, 1216×2640 piksellar soniga, 6800 nit maksimal yorqinlikka va aks ettiruvchi qoplamaga ega bo‘ladi.
Texnik imkoniyatlar
U Snapdragon 8 Elite Gen 5 SoC protsessorida ishlaydi va 120 Vt simli zaryadlashni qo‘llab-quvvatlaydigan 7060 mA/soat sig‘imli batareyaga ega bo‘ladi. Shuningdek, ichida uchta o‘z-o‘zidan ishlab chiqilgan Honor chiplari, C1, E2 va H1 bo‘ladi. C1 radiochastotani kuchaytirish chipi, E2 energiya boshqaruv chipi va H1 tasvirlash chipi mavjud bo‘ladi.
Smartfonning orqa qismida 1/1,28 dyuymli sensor va f/1.6 diafragmaga ega 200 megapikselli asosiy kamera joylashgan. Uni 1/1,4 dyuymli sensor, f/2.6 diafragma hamda 2,7 karra optik yaqinlashtirish imkoniyatiga ega 200 megapikselli periskop telekamera to‘ldiradi. Robot Phone 12 GB tezkor va 512 GB ichki xotira, shuningdek, 16 GB tezkor va 1 TB ichki xotiraga ega versiyalarda taqdim etiladi.
Avvalroq «Kursiv» nashri iyul oyi uchun eng kuchli Android smartfonlari e’lon qilingani haqida yozgan edi.
