O‘zbekistonda 2027-yil uchun oliy ta’limdan keyingi ta’limga qabul kvotalari tasdiqlandi. Oliy ta’lim, fan va innovatsiyalar vazirining buyrug‘iga ko‘ra, jami 4,8 mingta kvota ajratildi.
Kvotalar 234 ta tashkilotga taqsimlandi
Qabul kvotalari respublikadagi 234 ta ilmiy va ta’lim tashkiloti kesimida taqsimlangan.
Bu kvotalar stajyor-tadqiqotchilik, tayanch doktorantura va doktorantura yo‘nalishlari uchun belgilandi.
Eng ko‘p kvota tayanch doktoranturaga ajratildi
2027-yil uchun tayanch doktoranturaga 3,9 mingta kvota berildi.
Stajyor-tadqiqotchilik uchun 400 ta, doktorantura uchun esa 540 ta o‘rin ajratilgan.
Kvotalar O‘zbekiston Respublikasi Oliy ta’lim, fan va innovatsiyalar vazirining 2026-yil 11-avgustdagi 337-son buyrug‘i bilan tasdiqlandi.
Eslatib o‘tamiz, avvalroq akademik litseylarga kirish bo‘yicha apellyatsiya sanasi belgilangani haqida xabar berilgandi. Test natijasidan norozi bo‘lgan va belgilangan tartibda my.edu.uz platformasi orqali apellyatsiya shikoyati bergan talabgorlarning murojaatlari 14-avgust kuni ko‘rib chiqiladi.
