Xayol surish oson bo‘ladi, lekin o‘ylaganingizni amalga oshirishda qiyinchiliklar tug‘ilishi mumkin. Bu rejalar paydo bo‘ladigan kunlardan biri, ammo ularni amalga oshirish uchun qulay sharoitlar yuzaga kelishi dargumon. Bu bilan kurashish, ehtimol, ma’nosiz bo‘ladi, shuning uchun sabr qilib, qat’iy harakatlar uchun qulayroq paytni kutgan ma’qul. Ba’zi ishlarni keyinga qoldirishga to‘g‘ri kelayotganidan xavotirlanmang. Ehtimol, tez orada yo‘qotilganlarning o‘rnini to‘ldirish imkoniyati paydo bo‘ladi. Quyida burjlar bo‘yicha 24-sentabr uchun munajjimlar bashoratini taqdim etamiz.
Qo‘y (21.03 – 20.04)
Kunning birinchi yarmidagi omadsiz tasodiflar va mayda hodisalar asabga tegishi mumkin. Ko‘pchilikka bu paytda diqqatni jamlash qiyin bo‘ladi va burj vakillari ba’zi muhim tafsilotlarni e’tibordan chetda qoldirishi yoki xatolarga yo‘l qo‘yishi mumkin, keyinchalik ularni tuzatish uchun ancha vaqt ketadi.
Muloqotdagi qiyinchiliklar ham istisno emas. Tushgacha jiddiy suhbatlarni boshlamagan ma’qul, chunki yaxshi yechim topish amri mahol, ammo o‘ylamay aytilgan keskin gap bilan janjal chiqarish hech gap emas.
Buzoq (21.04 – 20.05)
Shoshilishingiz kerak: sizni qiyin kun kutmoqda. Lekin har holda uning boshlanishi muvaffaqiyatli bo‘ladi. Bu vaqt yaxshi yangiliklar va qiziqarli takliflar olib kelishi mumkin. Ba’zilar ularni qiziqarli fikrlarga undaydigan ma’lumotlarni oladi. Yoqimli uchrashuvlar kutilmoqda, so‘nggi paytlarda juda sog‘ingan odamlaringiz bilan muloqot qilish imkoniyati paydo bo‘ladi.
Egizaklar (21.05 – 21.06)
Siz kun boshida biroz yengiltaklikka moyil bo‘lasiz va shuning uchun keyinchalik tuzatish oson bo‘lmagan xatolarga yo‘l qo‘yishingiz mumkin. Bu, ayniqsa, moliyaviy sohada sezilarli bo‘ladi: ko‘plar pul sarflashni boshlaydi, hozir buni qilish mumkinmi yoki yo‘qligidan umuman xavotirlanmaydi. Natijada tez orada budjetni qanday to‘ldirish haqida o‘ylash va yangi daromad manbalarini izlash kerakligi ma’lum bo‘ladi.
Qisqichbaqa (22.06 – 22.07)
Bu kun bezovtalik uchun hech qanday sabab keltirishi dargumon. Ba’zi qiyinchiliklar yuzaga kelishi mumkin, lekin siz ularga falsafiy xotirjamlik bilan munosabatda bo‘lasiz va aynan shu narsa yuzaga keladigan barcha muammolarni tezda hal qilish imkonini beradi. Ko‘plarga ilgari orttirilgan tajriba asqotadi. Aynan uning sharofati bilan burj egalari yomon niyatli kimsalar qo‘ygan tuzoqqa tushib qolmaydi va mushkul ahvoldan chiqish yo‘lini topadi.
Arslon (23.07 – 23.08)
Kunni muhim ishlardan boshlang, shunda kerakli natijaga erishish imkoniyati ko‘proq bo‘ladi. Ertalab hamfikrlar bilan rejalarni muhokama qilish va yangi ittifoqchilar topish uchun qulay kun bo‘ladi. Bir paytlar siz bilan hamkorlik qilgan odamlar o‘zlarini eslatishlari ehtimoldan xoli emas. Ular qiziqarli narsa taklif qilishadi, ichki sezgi rozi bo‘lish kerakligini aytadi va xato qilmaydi.
Parizod (24.08 – 22.09)
Kunning katta qismi muvaffaqiyatli o‘tadi. Qandaydir muhim ishlarga qo‘l urish yoki katta rejalarni amalga oshirishga kirishish uchun qulay payt. Agar sizga ittifoqchilar kerak bo‘lib qolsa, ularni topish qiyin bo‘lmaydi. Nufuzli odamlar yordam taklif qilishlari ehtimoldan xoli emas va siz ularning qo‘llab-quvvatlashiga ishonishingiz mumkin.
Tarozi (23.09 – 23.10)
Yaqin-yaqingacha sizga juda murakkab tuyulgan masalalarni hal qilishga kirishish vaqti keldi. Bugun kerakli natijaga erishish ehtimoli katta. Bunda eski ittifoqchilar yordam berishi ehtimoldan xoli emas. Qachonlardir siz muhim xizmatlar ko‘rsatgan odamlar sizning tashvishlaringizning bir qismini bajonidil o‘z zimmalariga oladi.
Foydali tanishlar orttirishingiz mumkin. Bu, birinchi navbatda, professional tadbirlarga boradigan, ma’ruzalar yoki taqdimotlar o‘tkazadigan yoki shunchaki qulay vaziyatdan foydalanib, o‘z muvaffaqiyatlari haqida nufuzli odamlarga gapirib beradiganlarga tegishli.
Chayon (24.10 – 22.11)
Ichki sezgingizga quloq soling: aynan uning maslahatlari bugun sizga muvaffaqiyatga erishish va xatolarga yo‘l qo‘ymaslikka yordam beradi. Yangi ishlarga kirishish uchun qulay kun. Ehtimol, siz ular bilan qanday kurashishni tezda tushunib olarsiz. Eski va yangi tanishlar ham yordam berishi mumkin. Yaxshi maslahatlarga quloq solib, foydali tajriba orttirish imkoniyatini qo‘ldan boy bermaysiz.
O‘qotar (23.11 – 21.12)
Murakkab kun, ayniqsa tez qaror qabul qilishga moyil va odatda tafsilotlarga e’tibor bermaydiganlar uchun. Bunday yondashuv hozirda ishbilarmonlik sohasida ham, shaxsiy munosabatlarda ham jiddiy xatolarga olib kelishi mumkin. Yaxshisi, hech qayerga shoshilmay, nima bo‘layotganini xotirjamlik bilan tushunib oling, tajribasi va bilimiga ishongan odamlar bilan maslahatlashing. Afsuski, to‘g‘ri qaror qabul qilish uchun shaxsiy intuitsiyaning ko‘rsatmalari yetarli bo‘lmasligi mumkin.
Tog‘ echkisi (22.12 – 20.01)
Oxirgi paytlarda sizda paydo bo‘lgan yaxshi g‘oyalarni amalga oshirish imkoniyatini qo‘ldan boy bermang. Agar hech kim sizni qo‘llab-quvvatlamagani va niyatlaringizni ma’qullamagani uchun uzoq vaqt davomida o‘ylagan narsangizni amalga oshirishga jur’at etmagan bo‘lsangiz, hozir yangi yo‘nalishda birinchi qadamlarni qo‘yishingiz mumkin. Mustaqil harakat qilishdan qo‘rqmang. Tez orada yordamchilaringiz paydo bo‘ladi, ammo dastlabki yutuqlarga yolg‘iz o‘zingiz erishishingiz kerak bo‘ladi.
Qovg‘a (21.01 – 19.02)
Har qanday mayda-chuyda narsalar kun boshida g‘ashga tegishi, hatto arzimas hodisalar ham haqiqiy falokatdek tuyulishi mumkin. Atrofdagilar bilan til topishish ham qiyin bo‘ladi: ilgari sizga ko‘p jihatdan xayrixoh bo‘lgan odamlar endi qo‘llab-quvvatlashdan bosh tortishlari mumkin. Garchi buning uchun ularda uzrli sabablar bo‘lsa-da, siz baribir norozi bo‘lib qolasiz.
Baliq (20.02 – 20.03)
Bu kun jiddiy muammolar keltirishi dargumon, ammo baribir ishlaringiz qanday ketayotganidan unchalik mamnun bo‘lmaysiz. Ishlarda sezilarli muvaffaqiyatlar va taraqqiyotni xohlaysiz, ammo juda kamtarona natijalar bilan qanoatlanishga to‘g‘ri keladi. Va bu yerda eng muhimi — vaziyat bilan kurashishga urinish emas, balki sodir bo‘layotgan voqealardan foyda olish mumkinligi haqida o‘ylash.
